O Santiago Futsal máis preto de recuperar os seus trofeos.
July 3, 2019 at 6:12 pm,
No comments
O Xulgado de Primeira Nº2 de Santiago de Compostela resolveu de forma favorable ao Santiago Futsal a demada interposta por José Antonio Lobelle Quintillán contra o club onde o antigo presidente do Autos Lobelle FS solicitaba diferentes bens materiais propiedade do club santiagués.
Entre os devanditos bens, ademais de obxectos relacionados co día a día do club, atópanse títulos históricos para a nosa cidade como a Copa de España de 2006, a Recopa de Europa de 2007 celebrada en Santiago de Compostela ou a Supercopa de España 2010.
Esta sentenza dá a razón tras moitos anos á actual directiva
do Club e permite iniciar o tramo final do camiño para que os títulos máis
importantes da entidade deportiva volvan ao seu lexítimo lugar.